كل واحد حر..يبقى متدين او يبقى سافل هو حر انا لا ادين احدا...لكن اللي انا مش فاهماه ان الواحد يكون متدين و سافل في نفس الوقت...التدين ضد السفالة و كل واحد من خلال دينه بيجاهد على الارض انه يكون احسن...فمينفعش الاقيه بيتكلم في "قلة الادب" و عايز يشركني كمان معاه و يتكلم في الدين في نفس الوقت.الحكاية باختصار اني بقالي اكتر من سنة عضوة في الفيس بوك و ناس من الشرق والغرب بتضيفني...و انا علشان اقبل صداقة حد لازم ابص على البروفايل و اشوف "الجروبس" اللي هو مشترك فيها و الهوايات و على اساس كدة باقبل او برفض.اللي لفت انتباهي بقى ان عدد من الشباب المصرييين بيضفوني...و افتح البروفايل الاقي صور قذرة و اسامي "جروبس" أقذر...هو حر...اكيد هو حر...بس انا ذنبي ايه الوث بصري؟ انا باحترم اللي بيجيب من الاخر و يزمر و يبعتلي رسالة يقوللي "تيجي نسفل"..اقوم انا من غير ما اشوف البروفايل ماسحة الرسالة و عاملاله "بلوك"
.امــال "الأنأح" من كدة بقى واحد يضفني..اقوم فاتحة لاقية تشكيلة غريبة فريدة : صور قذرة+"جروبس" منحطة+"صديقات" من النوعية اياها+"ابليكيشينز" جنسية+ "جروبس" دينية!!! ده بقى اللي مش فاهماه..مكونات متنافرة...مش فاهمة...يعني انا مش عارفة بيدخل يقول ايه في الجروبس الدينية دي...ولا بلاش..هو حر..انا مليش دعوة! بس انا ذنبي ايه اقرا اسامي الجروبس الاباحية دي و ذنبي ايه اني اشوف واحدة عريانة في البروفايل بتاعه ...انا مش عايزة..بس هو اجبرني...تعدي على حريتي...زائد انا ايه اللي في البروفايل بتاعي بيوحي-مجرد ايحاء-اني عايزة اتكلم عن الجنس مع احدهم؟ ولا هي اضافة عشوائية و خلاص لا صابت لا خابت؟ و ايه علاقة كونه انه يضيف فتاة عشوائيا-مع عدم وجود ما يشجعه على ذلك-ليتحدث معها عن الجنس بالتدين؟
تعرضت لموقف الشهر الماضي على Egypt network ..واحد كاتب قصة -و انا متأكدة انها خيالية- عن واحدة غير محتشمة و كانت العظة من القصة ان البنت لا بد و ان تحتشم واللي لا تلتزم بذلك يبقى من حق الناس ينهشوا في لحمها و كأنها سلعة معروضة للبيع...طريقتـه معجبتنيش..شميت ريحة كريهة شمتها كتير قبل كدة...ريحة النفاق و الكذب..فتحت البروفايل بتاعه و لم اندهش لما لقيت ان "اصحابه" تلاتة بس...تلات بنات من النوعيه اياها...قولتله في وشه انه منافق و كانت شبه خناقة...قليل من الناس ساندوني و الاغلبية وصفوني بانني "غير محترمة" و اني المفروض اركز على الموضوع و القصة مش صاحب القصة! فعلا الراجل بيدعي للاحتشام و الفضيلة...جزاه الله خيرا! لما حد يتكلم عن الدين و الفضيلة لازم كلنا نستمع و نصفق له كمان..و نلغي عقولنا و احتماليه انه يكون منافق و اننا نكون "قراطيس"!
اظن ان العقل-بعيدا عن الهوس-يقول ان لو كاهن قال لي ان المخدرات حرام و لازم ابطلها لكدة لهدخل النار و اجي الاقيه بيحشش يبقى الكاهن ده فـقـد مصداقـيته و تحول الي منافـق في نظري و لن اتقبل النصيحة منه ابدا.
اذكر انني سمعت في احد الافلام او المسلسلات الامريكية حاجة ينفع توصف الحالة دي من الناس:
"I'm F****king religious"
كثرة اللون الرمادي في مصر تزعجني...هاحترمك لو كنت ابيض و هاحترمك لو كنت اسود...لكن لا احترم اللون الرمادي ابدا.
الاشتراك في:
تعليقات الرسالة (Atom)
هناك تعليقان (2):
للأسف صعب جدا حكاية تحديد المواقف في الزمن اللي احنا فيه دا ، طول ما فيه ناس لسه بتحترم الدين و تعامل المتدينين باحترام طبيعي إننا هنلاقي الدين تحول لسبوبة ، أنا أعرف مهندسين و أطباء بيتكلمو في الدين و القناعة و الزهد و مش عارف ايه كمجرد غطاء للضحك على الناس البسيطة الغلبانة ، زي ما الأفلام العربي عملت الصورة النمطية بتاعت الشيوخ النصابين كدا ، دول هم المشكلة الحقيقية لإنهم مش بس بينكدو عليكي ثانيتين و تنسيهم لكنهم بينصبو على الناس بدقن و جلابية و بيشوهو الدين نفسه ، لإن الناس مش بتقدر تفصل دا عن دا بسهولة ، زي الفضايح الجنسية لرجال الدين الأمريكان ما أثرت على اقبال الناس على الدين ، حتى الأمريكان الواعيين ما كانوش واعيين لدرجة إنهم يفصلو بين سلوك أشخاص و بين دين بيتم تشويهه
احترام الدين مفهوش حاجة و المتدينين بردو مش وحشيين...بس المشكلة زي ما انت قولت السبوبة و ظاهرة "القرطاس"....يعني الواحد يحط في مخه احتمالية انه بيمر بعملية "قرطسة"
لما يلاقي الي قدامه بيتكلم عن الدين بمبالغة و تشنج.
و الظاهرة اللي انا قولتها في البوست..دي للاسف بيمر بيها الشباب هنا كتير ..التشتت ما بين التدين و السفالة... التدين القشري علشان يبقى مقبول اجتماعيا او انه يبان انه عمل واجبه قدام رينا
مرة سمعت مقولة هجبتني اوي
"Stop being stinkingly religious and start being Godly"
إرسال تعليق